Vinkonurnar Lína Birgitta Sigurðardóttir, athafnakona og áhrifavaldur, og Gurrý Jónsdóttir, snyrtifræðingur og áhrifavaldur, ræða hreinskilið og hispurslaust um kynlíf og ýmislegu því tengdu í nýjasta þætti hlaðvarpsins Spjallið.
Þær fara um víðan völl í þættinum og svara spurningum hlustenda, sem margar hverjar snúa að kynlífi.
„Ég held við þurfum að skíra þennan þátt 18 plús,“ segir Gurrý á einum tímapunkti.
Lína og Gurrý eru báðar í samböndum með þekktum karlmönnum. Lína er trúlofuð stjörnukírópraktornum og áhrifavaldinum Guðmundi Birki Pálmasyni, betur þekktur sem Gummi Kíró. Gurrý er í sambandi með plötusnúðnum og einkaþjálfaranum Agli „Gillz“ Einarssyni og eiga þau saman tvö börn.
View this post on Instagram
Kveikt eða slökkt ljós?
Þátturinn ber yfirskriftina: „Ertu með kveikt eða slökkt ljósin?“ og ræða þær einmitt það.
„Kveikt,“ segir Gurrý strax og hneykslar Línu. „Ég vil sjá, Lína!“
Lína útskýrir síðan hvernig birtu hún vill hafa, svona „kósý stemningu.“
Lína spyr Gurrý hvort hún sé „með turn-on“ og svarar Gurrý játandi og segir þau vera tvö og nefnir eitt þeirra.
„Hettupeysa, á manninum mínum. Það er eitthvað við hettupeysu, veit ekki hvað það er. Maðurinn minn er alltaf í hettupeysum,“ segir Gurrý.
Þær ræða einnig um hvaða kynlífstæki þær ferðast með erlendis.
„Ég tek allskonar tæki og tól […] Ég tek alltaf alveg fullt með. Maður er að taka með þetta helsta,“ segir Gurrý og viðurkennir að það sé sér taska undir tækin.
View this post on Instagram
Þegar kemur að því að hafa tónlist eru skiptar skoðanir. Þær segja það misjafnt eftir aðstæðum hverju sinni en Lína viðurkennir að stundum truflar tónlistina hana, eins og ef leiðinlegt eða skrýtið lag kemur sem tekur hana úr gírnum.
„Segjum það komi upp eitthvað lag [þegar þú ert að ná hámarki] sem þú þolir ekki, eða það minnir þig á [eitthvað úr æsku]. Það getur komið alls konar upp, sérstaklega þegar það kemur lag sem þú þolir ekki og þú dettur í tónlistina og dettur úr núinu, mér finnst það ekki næs,“ segir hún.
Hlustaðu á þáttinn hér að neðan.
