Bandaríski leikarinn Alec Baldwin breytti texta við mynd sem hann birti af eiginkonu sinni, Hilariu Baldwin, og syni þeirra, Leo, eftir að aðdáendur sögðu textann vera tvíræðan með kynferðislegan undirtón.
Á myndinni er sex ára sonur þeirra að gefa móður sinni baknudd. Leikarinn skrifaði upphaflega: „Gamla góða „leyfðu mér að nudda á þér bakið“ bragðið.“
View this post on Instagram
Fylgjendur hans á Instagram gagnrýndu orðaval hans og sögðu það vera með kynferðislegu ívafi.
„Þetta er frekar furðuleg athugasemd til að hafa með mynd af syni þínum og móður hans,“ skrifaði einn netverji.
„Þessi texti er ógeðslegur,“ sagði annar.
„Það er alltaf svo skrýtið þegar fólk kyngerir börn, en að gera það við eigið barn? Hræðilegt,“ sagði aðdáandi.
Alec, 64 ára, bætti síðan við textann: „Kartöfluflögur næstar á dagskrá.“
Hann útskýrði af hverju hann breytti textanum. „Ég bætti við textann því þú veist, það er svo mikið af Reddit rusli þarna úti.“
Alec og Hilaria hafa verið gift síðan árið 2012 og eiga saman sjö börn.
Leikarinn hefur verið ákærður fyrir manndráp af gáleysi eftir að voðaskot reið af á tökustað kvikmyndarinnar Rust.
Sjá einnig: Alec Baldwin ákærður fyrir manndráp af gáleysi
