Ung móðir, Margrét Vala Steinarsdóttir, varð bráðkvödd í síðustu viku, nánar tiltekið fimmtudaginn 12. janúar. Margrét Vala var fædd 22. janúar árið 1996. Hún lætur eftir sig tvo unga syni, sem og marga ættingja og vini sem eru harmi slegnir.
Vinkonur Margrétar Völu hafa tekið sig saman og stofnað styrktarreikning til að safna fyrir útfararkostnaði. Í tilkynningu sem Ísey Jökulsdóttir hefur sent frá sér segir að ef fjármunir safnast umfram útfararkostnað munu þeir skiptast á milli eftirlifandi sona Margrétar.
„Með mikilli sorg í hjarta þurfum við að kveðja hana Margréti Völu, aðeins 26 ára gamla. En hún varð bráðkvödd fimmtudaginn síðastliðinn og hún skilur eftir sig fjöldann allan af fólki í sárum, þar að meðal tvo drengi.“
Eins og fyrr segir er Margrétar Völu sárt saknað og harmi slegnir vinir hafa kvatt hana undanfarna daga með fallegum orðum á samfélagsmiðlum. DV sendir þessu fólki innilegar samúðarkveðjur.
Söfnunarreikningurinn er á nafni Sigurveigar Jóhannsdóttur. Reikningsupplýsingarnar eru hér að neðan og minnt er á að við svona aðstæður munar um lítið framlag hvers og eins:
