„Þetta var hrun, algjört kjaftæði maður, að sjá þetta, þetta er algjörlega óásættanlegt,“ sagði Logi Geirsson, handboltasérfræðingur og Ólympíusilfurhafi, í HM-stofunni á RÚV eftir tveggja marka tap Íslands gegn Unverjum, í leik þar sem Íslendingar höfðu yfirhöndina í lengst af og komust í sex marka forystu. Hrun varð í leik íslenska liðsins á lokakaflanum sem fór 11:3 fyrir Ungverja.
„Ég er svo reiður … ég næ ekki alveg…ég trúi þessu ekki,“ Loga brast orð til að sjá tilfinningar sínar og hugsanir og ljóst að það sauð á landsliðskappanum fyrirverandi sem er vanur að tala umbúðalaust.
„Með alla þessa möguleika sóknarlega, hvernig við getum farið að því að skora aðeins 3 mörk á 18 mínúna kafla, það er rannsóknarefni,“ sagði Logi ennfremur. „Við hleyptum þessu upp í rugl og gáfum þeim þennan leik, það er fáránlegt,“ sagði Logi og bætti við að stóran hluta leiksins hafi íslenska liðið sýnt að það er með eitt af bestu liðum keppninnar. „Þess vegna er maður svo reiður,“ sagði hann.
Guðmundur Guðmundsson landsliðsþjálfari sagði eftir leikinn að líklega væru fjöldi tæknifeila helsta ástæðan fyrir tapinu. Liðið hafi gert 18 tæknifeila og þannig sé ekki hægt að vinna leiki í alþjóðlegum handbolta.
