Jermaine Pennant, fyrrum leikmaður Liverpool, hefur tjáð sig um eigið gjaldþrot en hann fór vel yfir strikið á sínum ferli og eftir hann.

Pennant þénaði yfir 10 milljónir punda á sínum ferli sem leikmaður en var duglegur að eyða og var loks úrskurðaður gjaldþrota.

Pennant segist hafa í eitt skipti farið á bar erlendis og eytt þar 25 þúsund pundum á meðan hann gisti á fimm stjörnu hóteli.

Um er að ræða leikmann sem lék með fjölmörgum góðum liðum á sínum ferli og má nefna Arsenal, Liverpool, Leeds, Stoke, Wolves og Watford.

Pennant lagði skóna á hilluna fyrir fimm árum síðan en hann þá í utandeildinni með Billericay Town.

Vegna eyðslunnar tapaði Pennant þremur glæsibýlum og varð ástandið enn verra eftir að hann skildi við eiginkonu sína.

Pennant nefndi einnig að hann hafi ekki vitað af eigin skuldum og að hann væri að borga reikninga sem hann hafði enga stjórn á í mörg ár.

,,Ef ég á að vera hreinskilinn þá hefði ég getað orðið milljarðamæringur samt klúðrað lífinu mínu,“ sagði Pennant.

,,Ég hef gert svo mörg mistök en ég vissi ekki betur og hugsaði aldrei um afleiðingarnar af því sem ég gerði.“

,,Fólk talar um mig sem ‘bad boy’ en ég var bara óöruggur strákur sem vissi ekki hvað hann var að gera.“