Bandaríska söngkonan og lagahöfundurinn fékk hjartastopp í gærkvöldi og lést í nótt. Hún var 54 ára og var dóttir Elvis Presley og Priscillu Presley. Móðir hennar greindi frá andláti hennar í nótt.
Sjá einnig: Lisa Marie Presley er látin
Lisa Marie sást síðast opinberlega á þriðjudaginn á verðlaunahátíðinni. Þar var hún með móður sinni og leikaranum Austin Butler, sem leikur aðalhlutverkið í kvikmyndinni „Elvis“. Hann fékk verðlaun fyrir leik sinn í myndinni.
Page Six greinir frá því að aðdáendur söngkonunnar hafi lýst yfir áhyggjum og sagt að hún hafi virst óstöðug og veikburða í viðtali sem Billy Bush tók við hana fyrir Extra.
„Ég ætla að fá að styðjast við þig,“ sagði hún við Jerry Schilling, gamlan vin föður hennar, á meðan viðtalinu stóð.
Áhyggjufullir aðdáendur sögðu að hún hafi talað aðeins hægar en venjulega og að hún hafi virkað frekar „veikburða.“
„Hún lítur út fyrir að vera vannærð og maður sér sorgina svo greinilega,“ sagði einn netverji og var þá að vísa í sorg Lisu eftir að sonur hennar, Benjamin, féll fyrir eigin hendi árið 2020.
Annar netverji segir að hún hafi kannski virkað smá brothætt en að hún hafi verið skýrmælt.
Annað myndband frá kvöldinu hefur einnig verið að vekja athygli á samfélagsmiðlum. Í því virðist Lisa Marie eiga erfitt með að ganga niður nokkur þrep á meðan Butler og Schilling aðstoða hana.
@elitedaily Austin. Butler. *bites lip* #GoldenGlobes #austinbutler #elvis #elvismovie ♬ f urself in vegas – SHIMA
Söngkonan var flutt á sjúkrahús í gær eftir að hafa fengið hjartastopp. Hún lést á West Hills sjúkrahúsinu í Los Angeles.
