Tveir menn voru handteknir í Laugardalshverfi skömmu fyrir klukkan tvö í nótt. Þeir eru grunaðir um að hafa ekið bifreið undir áhrifum áfengis og/eða fíkniefna en þeir veltu bifreið. Engin slys urðu á fólki.

Í Breiðholti var tilkynnt um grunsamlegar mannaferðir um klukkan eitt í nótt. Lögreglan fann viðkomandi og reyndist hann vera eftirlýstur fyrir að hafa ekki mætt fyrir dómara. Hann var handtekinn og vistaður í fangageymslu og verður færður fyrir dómara í dag.

Um klukkan hálf átta í gærkvöldi voru tveir handteknir í Hlíðahverfi vegna líkamsárásar og fíkniefnamisferlis. Báðir voru þeir vistaðir í fangageymslu og verða yfirheyrðir í dag.

Einn var handtekinn klukkan 17 grunaður um fíkniefnamisferli og peningaþvætti. Hann var látinn laus að skýrslutöku lokinni.

Einn ökumaður var handtekinn grunaður um að vera undir áhrifum fíkniefna.