Cristiano Ronaldo hefur staðfest það að hann muni ekki snúa aftur til Evrópu eftir sögusagnir sem hafa verið í gangi undanfarið.

Talað er um að Ronaldo fari til Newcastle ef félagið nær að tryggja sæti sitt í Meistaradeild Evrópu fyrir næstu leiktíð.

Ronaldo samdi við Al Nassr í Sádí Arabíu á dögunum en hann er 37 ára gamall og er einn sigursælasti leikmaður sögunnar.

Ronaldo kveðst ekki vera á leið aftur til Evrópu en hann er sá launahæsti í heimi í dag og segist eiga það skilið.

,,Verkefni mitt í Evrópu er búið. Ég spilaði með bestu félagsliðum Evrópu og vann allt sem hægt er að vinna,“ sagði Ronaldo.

,,Ég er ánægður og stoltur með að vera kominn til Al Nassr. Fólkið þekkir ekki gæðin hérna, þessi samningur er sérstakur því ég er sérstakur leikmaður. Það er eðlilegt fyrir mig.“