Sky Sports greindi frá því fyrr í dag að Liverpool hefði mikinn áhuga á Matheus Nunes, miðjumanni Wolves. Stjóri síðarnefnda liðsins, Julen Lopetegui, hefur brugðist við þessu í fjölmiðlum.

Hinn 24 ára gamli Nunes hefur aðeins verið hjá Wolves síðan í sumar en hann gæti strax farið.

Miðjumaðurinn er hins vegar með samning hjá Úlfunum til 2027 og þeir því í sterkri stöðu í viðræðunum.

Talið er að Wolves fari fram á 50 milljónir punda fyrir Nunes. Liverpool vill hins vegar borga um 44 milljónir punda.

„Það sem ég get sagt er að Matheus er okkar leikmaður,“ segir Lopetegui.

„Hann er leikmaður Wolves og hann er svo ánægður með að vera hér.“

Jurgen Klopp leitar að styrkingu á miðsvæði sitt, en sú staða hefur verið til vandræða.

Liverpool hefur valdið vonbrigðum á þessari leiktíð og er í sjötta sæti. Í gær tapaði liðið gegn Brentford.