Betur fór en á horfðist þegar Þórdís Lóa Þórhallsdóttir, borgarfulltrúi og oddviti Viðreisnar, lenti í bílslysi í gær. Fréttablaðið greinir frá slysinu.  Þórdís Lóa var á heimleið að norðan ásamt fjölskyldu þar sem þau höfðu dvalist yfir áramótin.  Á Fljóts­heiðinni í Þing­eyjar­sýslu ók Þór­dís Lóa lötur­hægt að sögn, með eigin­manni og far­þega, enda var hálka  á fjall­veginum og að­stæður vara­samar.

Skyndilega birtist lítill bíll sem kom æðandi á móti þeim úr beygju. Ökumaður bílsins missti svo stjórn á bifreiðinni og skall á bíl borgarfulltrúans og hentist þaðan útaf veginum og valt.

Skyndilega birtist lítill bíll á mikilli ferð úr beygju og svo fór að öku­maður hans missti stjórn á bif­reiðinni sem skall á bíl Þór­dísar Lóu með háum hvelli og hentist þaðan út af veginum þar sem hann valt.

„Hann kom bara æðandi á móti okkur þvert á veginum. Ég náði að fara alveg út í kant en gat ekki farið útaf, því kanturinn var svo hár að þá hefði ég velt bílnum,“ segir hún í viðtali við Fréttablaðið. Blessunarlega urðu engin slys á fólki í bíl Þórdísar Lóu en tveir ungir Spánverjar voru í bílnum sem valt og virtust þeir blessunarlega hafa sloppið vel.

Þór­dís Lóa hringdi í 112 og streymdu að með­limir úr björgunar­sveit Þing­eyjar­sveitar auk þess sem starfs­maður 112 gaf góðar leið­beiningar.

„Lög­reglan á Akur­eyri var einnig fljót á staðinn á­samt sjúkra­bíl. Við­brögðin ein­kenndust af fum­leysi og fag­mennsku.“

Nánar er fjallað um málið á vef Fréttablaðsins.