Í Miðborginni var ekið á ljósastaur og stakk ökumaðurinn af frá vettvangi. Hann hringdi í lögregluna nokkrum klukkustundum síðar og vildi þá gefa sig fram.

Þetta er eitt af þeim verkefnum sem lögreglan á höfuðborgarsvæðinu sinnti á kvöld- og næturvaktinni.

Meðal annarra verkefna var að eldur kom upp í íbúðarhúsnæði og skemmdist það mikið. Engin slys urðu á fólki.

Tveir ökumenn voru handteknir grunaðir um að vera undir áhrifum áfengis og/eða fíkniefna.

Einn ökumaður var kærður fyrir að aka sviptur ökuréttindum.

Í Breiðholti var tilkynnt um eignaspjöll en þar voru tvær rúður brotnar í bifreið.

Í Árbæjarhverfi var tilkynnt um þjófnað á eldsneyti á bensínstöð og í Grafarvogi var tilkynnt um hnupl úr verslun.