Micah Richards, fyrrum leikmaður Manchester City, hefur varað unga knattspyrnumenn við því að eyða of mikið af peningum.

Richards var einn efnilegasti leikmaður heims á sínum tíma en ferill hans reyndist ansi stuttur að lokum.

Þessi fyrrum enski landsliðsmaður hikaði ekki við því að eyða eigin launum er hann var ungur enda þénaði hann vel á þó stuttum ferli.

Það er hætta fyrir yngri leikmenn sem geta alltaf lent í meiðslum en Richards bendir á að knattspyrnumenn í dag séu aldrei saddir og vilji alltaf meira.

,,Ímyndið ykkur að þéna 500 pund á viku og svo allt í einu 5 þúsund pund.. Svo ferðu frá 5 þúsund pundum yfir í 50 þúsund pund,“ sagði Richards.

,,Hvað geturðu gert? Ég veit hvað ég gerði. Ég fór og keypti mér Ferrari bíl. Ég átti Range Rover og Aston Martin en ég hugsaði með mér að það væri kominn tími á að eignast Ferrari F430 og síðar F58 Speciale.“

,,Ég byrjaði svo að skoða eignir í Hale. Ég keypti mér sjö herbergja hús fyrir þrjár milljónir, ég bjó þar með tveimur bræðrum mínu, tveimur frændum og besta vini mínum.“

,,Þar sem ég bjó áður var meira en nóg en þetta gerist þegar þú ert fótboltamaður. Þú hugsar alltaf hver á besta húsið, hver á besta bílinn. Þú ert aldrei saddur, þú vilt alltaf meira.“