Cathy Wilson var aðeins 16 ára þegar að hún kynntist Peter Tobin, sem var henni tuttugu árum eldri. 

Hún flutti inn til hans eftir aðeins tveggja vikna kynni, varð svo að segja ófrísk strax, og giftist honum innan örfárra vikna.  Hún var þriðja eiginkona hans

Hinn breski Peter Tobin er grunaður um að hafa myrt um tuttugu ungar konur.

Cathy var aðeins gift Tobin í þrjú ár en á þessum örfáu árum varð hún fyrir slíkum andlegum og líkamlegum misþyrmingum að olli henni varanlegum skaða á sál og líkama.

Lét konu sína horfa á misþyrmingarnar 

Tobin kom heim með vændiskonur og neyddi Cathy til að horfa á hann berja þær og nauðga en Cathy sver að hún hafi aldrei séð hann myrða. Hún heldur einnig fram að henni hafi aldrei dottið í hug að maður hennar væri fær um slík illvirki.

Tobin fylgdist með hverju skrefi Cathy og hótaði að myrða nýfæddan son þeirra ef hún yfirgæfi hann. Hann veifaði meðal annars ungabarninu yfir stigahandrið til að sýna Cathy að honum væri full alvara með hótun sinni.

Tobin bannaði Cathy að fara niður í kjallara húss þeirra og Cathy þorði aldrei að ganga gegn skipunum manns síns. En hún fann greinilega fnykinn sem barst upp frá kjallaranum auk þess sem niðurfall hússins virtist alltaf verið stíflað af einhverju ástæðum.

Það er vitað að Tobin hélt sumum af fórnarlömbum sínum föngnum í kjallaranum áður en hann myrti þær.

Skilnaður og fangelsun

Þegar að Cathy loksins þorði að flytja út frá Tobin leyfði hún honum samt sem áður að koma hvenær sem hann vildi, ýmist til að hitta son þeirra eða stunda með henni kynlíf.

Þær heimsóknir hættu fyrst þegar að Tobin var dæmdur í 14 ára fangelsi árið 1993 fyrir fíkniefnamisferli og kynferðisbrot gegn tveimur fjórtán ára stúlkum.. Honum var þó sleppt 2004 en aðeins örfáum dögum eftir að Tobin fékk frelsið var hann grunaður um aðild að hvarfi ungrar stúlku, sem þó tókst ekki að sanna á hann.

Lögregla hafði þó auga með Tobin, þess fullviss að hann væri morðingi þótt að fullnægjandi sannanir væru ekki fyrir hendi.

Dómur á dóm ofan

Árið 2007 var hann dæmdur í lífstíðarfangelsi fyrir nauðgun og morð á 21 árs stúlku árið áður. Þegar að garður í húsi sem hann hafði búið í árið 1991 fundust lík tveggja táningsstúlkna sem höfðu horfið sama ár.

Árið 2008 fékk dóm upp á 30 ár fyrir morð á enn einni stúlku og árið 2009 fékk hann annan lífstíðardóm fyrir morð á tveimur öðrum unglingsstúlkum.

Lögregla er nokkuð viss um að Tobin hafi myrt í það minnsta tuttugu ungar konur en sjálfur sagði Tobin síðar að hann hefði 48 morð á samviskunni.

Peter Tobin lést í fangelsi 8. október síðastliðin og sagðist Cathy fagna dauða hans.

En hvað vissi Cathy mikið? Á það ber að líta að hún var gift Tobin frá sextán til nítján ára aldurs og fremur barnaleg í ofanálag.

Aftur á móti varð hún ítrekað vitni að skelfilegum misþyrmingum hans á konum og hvernig gat hún litið framhjá sterkri nályktinni sem barst úr kjallaranum?

Heyrði hún aldrei í stúlkunum sem þar var haldið föngnum?

Var hún í raun það barnaleg að gruna aldrei mann sinn um morð? Eða var hræðsla hennar slík að hún þorði ekki að segja frá grunsemdum sínum, eða jafnvel vitneskju, um morðin?

Cathy, sem nú er 52 ára, heldur enn fast við sögu sína svo líklega munum við aldrei vita hið rétta.