Á tíunda tímanum í gærkvöldi var tilkynnt um innbrot í geymslu í Laugardalshverfi. Þar var rafhlaupahjóli stolið. Á þriðja tímanum í nótt var tilkynnt um innbrot í fyrirtæki í Miðborginni. Þar hafði rúða verið brotin og farið inn. Sjóðvél og iPad stolið.

Fimm ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Þrír þeirra reyndust vera sviptir ökuréttindum og var um ítrekað brot að ræða, hvað varðar akstur sviptur ökuréttindum, að ræða hjá tveimur. Einn er grunaður um brot á vopnalögum og farþegi í bifreið hans um vörslu fíkniefna.