Héraðsdómur Reykjaness hefur sakfellt mann fyrir húsbrot og fíkniefnabrot vegna atvika sem áttu sér stað fyrir tveimur árum, í nóvember árið 2020.
Maðurinn var sakaður um að hafa ruðst inn í íbúð og verið með ógnandi hegðun í garð húsráðanda, sem bað hann um að fara. Hafi hann brotið hurð og hurðarkarm að salerni og auk þess brotið salernisrúllu á salerni íbúðarinnar.
Auk þess var maðurinn sakaður um að hafa haft í vörslu sinni kókaín og fleiri eftirlitsskyld efni, fannst þetta á honum þegar lögregla kom á vettvang og handtók hann.
Maðurinn játaði brotin skýlaust. Er hann með hreint sakarvottorð. Tekið var tillit til þess við ákvörðun dómsins, sem og til þess að töluverður dráttur hefur orðið á meðferð málsins sem hinn ákærði ber ekki sök á. Einn þáttur í viðbót sem varð til þess að manninum var ekki gerð refsing
Var ákvörðun refsingar hins ákærða frestað og skal hún falla niður að tveimur árum liðnum ef hann heldur almennt skilorð. Einn þáttur í viðbót sem varð til þess að manninum var ekki gerð refsing var ungur aldur hans. Ekki kemur þó fram hve ungur hann er.
