Fjársöfnun er nú í gangi í þágu eiginkonu og barna sjómannsins sem féll útbyrðis af línubátnum Sighvati þann 3. desember síðastliðinn. Maðurinn heitir Ekasit Thasaphong, kallaður Bhong. Þrátt fyrir mikla leit hefur hann ekki fundist og er talinn af.
Frænka eiginkonu sjómannsins, Karen Lind Óladóttir, greinir frá málinu á Facebook. Þar kemur fram að maðurinn lætur eftir sig þrjú börn. Karen skrifar:
„Þann 3. desember síðastliðinn varð slys um borð í línubátnum Sighvati sem varð til þess að elsku Bhong, maður Ingu Bjargar frænku okkar, féll fyrir borð. Þrátt fyrir mikla leit fannst hann ekki og eftir standa Inga Björg og börnin þeirra þrjú með brotin hjörtu.
Eins og gefur að skilja er áfallið mikið fyrir fjölskylduna og maður fyllist vanmætti í svona aðstæðum.
Okkur frændsystkinum Ingu Bjargar langar til að leggja okkar af mörkum við að aðstoða þau á þessum erfiðu tímum og við vitum að margir vilja vera með í því.
Við höfum því ákveðið að hefja söfnun með það í huga að létta undir með þeim fjárhagslega á erfiðum tímum sem framundan eru.
Söfnunarreikningurinn er á mínu nafni og munum við færa Ingu Björgu allt það sem mun safnast fyrir jól.“
Reikningsupplýsingar söfnunarinnar eru eftirfarandi:
Kennitala: 290489-2619
Reikningsnúmer: 0143-05-062087
AUR app: 899-9859
