Anna Karen tók þátt í alræmdu klámmyndbandi í sjúkrabifreið í Skógarhlíð sem varð til þess að slökkviliðs- og sjúkraflutningamanninum – sem tók þátt í myndbandinu með henni – var sagt upp störfum. Hún segist vita hver hafi lekið myndbandinu, sem var tekið upp í október síðastliðnum.
Sjá einnig: Allt sem við vitum um klámskandal Slökkviliðsins – Þurfti að stökkva frá í miðjum ástaratlotum útaf útkalli
Í nýjasta þætti 70 mínútna, sem kom út á fimmtudaginn síðastliðinn, ræðir Simmi um myndbandið umdeilda við meðstjórnanda sinn, Huga Halldórsson. Anna Karen segir Simma hafa farið með rangt mál í þættinum og lætur hann heyra það á Instagram.
Þáttastjórnendur sögðu að þeim þætti viðbrögð Slökkviliðsins á höfuðborgarsvæðinu of harkaleg. „Það er alltaf beint rautt, ræðum þetta aðeins […] Þetta er ekki í lagi, vinur. Nú þarftu að vinna í heilan mánuð og færð ekki útborgað,“ sagði Hugi.
Simmi stakk þá upp á að það hefðu verið dregin af honum laun fyrir þrif á sjúkrabílnum.
„Hún frussaði náttúrulega öllu þarna út um allt,“ sagði Hugi. „Í úrklippunni þarna, það þurfti að þrífa þetta allt.“
„Hey Simmi Vill, það var hvorki átta mínútna myndband sem hann sá né nokkurskonar „fruss.“ Get your facts straight,“ sagði Anna Karen í Story í gærkvöldi og merkti veitingamanninn færslunni.
„Við getum hins vegar alveg talið upp nokkra hluti sem eru actually sannir,“ sagði hún og hélt áfram:
„1. Ég veit hver lak myndbandinu.
2. Myndbandið var tekið upp í október og lekið af aðila „löngu“ seinna. Hreint alls ekki út af áhyggjum.
3. Ég seldi aldrei þetta átta mínútna myndband, setti bara „trailer“ í Story.“
Simmi hefur ekki svarað Önnu Karen eða tjáð sig frekar um málið að svo stöddu.
