Hún opnaði fyrir spurningar fylgjenda sinna á Instagram í gær og var mikil forvitni um núverandi sambandsstöðu hennar. Hún sagðist ekki eiga kærasta en þessa dagana er hún á fullu að baka alls konar gotterí fyrir jólin. Vítalía er áhugabakari og heldur úti fyrirtækinu VL-bakstur þar sem í boði eru bæði vegan og hefðbundin bakkelsi.
„Ert svo hugrökk að standa með sjálfri þér,“ sagði einn fylgjandi við hana.
„Takk fyrir. Ég myndi aldrei gera neitt annað eða taka til baka að hafa þorað að tala og tjá mig, sama hversu erfitt það var, ég hef aldrei séð eftir því. Ég mun aldrei sjá eftir því að hafa þorað að tala,“ sagði þá Vítalía.
Aðspurð hvernig hún hefur það sagði Vítalía það vera misjafnt eftir dögum. „Stundum tek ég tvö skref aftur á bak áður en ég tek eitt áfram. Stundum er ég aktív en aðra daga kem ég mér ekki út úr húsi.“
„Ég er að koma til, ég leyfi mér að gráta, hlæja, brosa og anda eftir því sem líkaminn kallar á hverju sinni. Þetta hefur verið erfitt og tekið frá mér orku og gleði, stundum tek ég nokkra daga í lægð og leyfi mér það,“ sagði Vítalía um líðan hennar þessa stundina.
„Hvernig er hægt að gleyma narsissista,“ spurði einn fylgjandi.
„Ef ég myndi vita svarið, einhverja töfralausn, þá myndi ég segja þér,“ sagði hún og bætti við:
„Það sem hefur hjálpað mér og látið mig opna augun er að muna að sjálfsvirðingin þín/mín er ekki til sölu. Aldrei gleyma því. Þegar ofbeldi hefur átt sér stað er það komið til að vera. Ég hefði viljað að ég tæki mark á aðstoð frá fólki með reynslu og ekki reyna að afsaka allt. Ef ofbeldi ratar inn á heimili einu sinni þá er það komið til að vera.“
Hún þakkaði fylgjendum fyrir falleg og hughreystandi orð. „Takk fyrir hlýjuna og umhyggjuna í minn garð,“ sagði hún.
Hægt er að fylgjast með bakstursfyrirtæki Vítalíu á Instagram eða með því að smella hér.
