Samuel Eto’o forseti knattspyrnusambands Kamerún réðst á mann fyrir utan völl á Heimsmeistaramótinu í Katar í gær.
Eto’o horfði þar á Brasilíu vinna Suður-Kóreu en að leik loknum varð hann fyrir miklu áreiti fólks.
Eitthvað fauk í Eto’o því þegar hann var að labba í burtu snéri hann við og byrjaði að hjóla í mann með myndavél.
Vinum Eto’o virtist vera að takast að róa hann þegar hann rauk til og sparkaði í andlit mannsins með myndavélina.
„Ég held að hann sé á skrýtnum stað. Það var eins og hann væri með sólsting þegar hann spáði fyrir úrslitum á mótinu,“ segir Helgi Fannar Sigurðsson, einn af meðlimum HM hlaðvarps Torgs.
Eto’o spáði einmitt Kamerún sigri á HM eftir úrslitaleik við Marokkó.
Aron Guðmundsson veltir því upp hvort ekki væri hægt að leyfa Eto’o að reyna fyrir sér í bardagaíþróttum.
„Maður sér þetta í UFC svo það er spurning hvort það væri ekki hægt að gefa honum samning.“
Umræðuna má hlusta á hér að neðan.
Samuel Eto’o menendang seseorang dengan sangat keras di akhir laga antara Brasil dan Korea.
Kira-kira apa yang membuat Eto’o emosi seperti itu yah?
🎥: @LaOpinionLApic.twitter.com/PuTbzSaXSo
— GOAL Indonesia (@GOAL_ID) December 6, 2022
