T.J. Holmes og Amy Robach hafa stýrt saman þriðja tímanum í vinsæla morgunþættinum Good Morning America um árabil.
Þau hafa bæði verið gift síðan árið 2010. T.J. Holmes, 45 ára, er giftur Marilee Fiebig, 44 ára, og Amy Robach, 49 ára, er gift Andrew Shue, 55 ára.
Samkvæmt Page Six hafa verið miklir erfiðleikar í báðum hjónaböndunum undanfarið.
Breski fjölmiðillinn Daily Mail var fyrstur með fréttina um samband þeirra og birti fjölda paparazzi ljósmynda af parinu, meðal annars þar sem hann klappar henni á rassinn en sú mynd var tekin fyrr í nóvember.
EXCLUSIVE: Married GMA anchors Amy Robach and T.J. Holmes’s romance REVEALED https://t.co/EGXgVWpcpY
— Daily Mail US (@DailyMail) November 30, 2022
Að sögn miðilsins mættu Holmes og Robach í vinnuna í gærmorgun „án þess að skammast sín fyrir samband sitt.“
Heimildarmaður náinn parinu sagði að fyrsti dagurinn þeirra til baka hafi verið „yndislegur“ og að þau finna fyrir miklum „stuðningi og ást“ frá samstarfsfólki sínu hjá ABC.
„Þau skammast sín ekki. Þetta er fullorðið fólk sem endaði með að elska hvort annað,“ sagði heimildarmaðurinn.
Hann sagði að Holmes og Robach hafa verið góðir vinir í átta ár en rómantíkin bankaði upp á í lok sumars, í ágúst, þegar þau voru bæði að glíma við hjónabandserfiðleika.
Annar heimildarmaður heldur því hins vegar fram að þau hafi verið byrjuð að stinga saman nefjum fyrir þann tíma, í kringum þann tíma sem þau voru að æfa sig yfir hálfmaraþon New York í mars síðastliðnum.
Samkvæmt starfsmanni ABC, sem ræddi nafnlaust við Page Six, hafa Holmes og Robach haft mikið fyrir því að halda sambandinu leyndu.
„Þau eru mjög vinaleg í loftinu en það er viðbúið. En þau fóru mjög varlega á bak við tjöldin til að halda framhjáhaldinu leyndu. Framleiðendur GMA voru í sjokki að komast að sannleikanum,“ sagði starfsmaðurinn.
Holmes og Robach fóru bæði frá mökum sínum í ágúst og eru núna orðin formlega par samkvæmt miðlinum.
