Jesse er giftur fyrrverandi klámstjörnunni Bonnie Rotten, sem lét hann heyra það á samfélagsmiðlum og sagði að hann væri „upptekinn við að reyna að ríða öðrum konum á meðan ég er ólétt.“
„Ég er svo sár eftir allt sem hann hefur gert mér. Honum er sama um alla nema sig sjálfan og hann er í alvörunni ógeðsleg mannvera,“ sagði hún í annarri færslu.
Bonnie, 29 ára, sagði að fólk hafi reynt að vara hana við Jesse, 53 ára. „Ég hefði átt að vita betur,“ sagði hún. Þau gengu í það heilaga í júní á þessu ári.
Þetta er ekki í fyrsta, annað eða þriðja skiptið sem Jesse er bendlaður við framhjáhald.
Hann er örugglega hvað þekktastur fyrir að hafa verið giftur leikkonunni Söndru Bullock, og fyrir að hafa haldið framhjá henni. Hann viðurkenndi það í viðtali við Daily Mail árið 2017.
„Já, ég hélt framhjá eiginkonu minni. Já ég tók ábyrgð á því og baðst afsökunar,“ sagði Jesse. Hann var giftur leikkonunni frá 2005 til 2010.
Stuttu eftir skilnaðinn byrjaði hann með frægu tattúlistakonunni Kat Von D og þau trúlofuðust stuttu seinna, því sambandi lauk eftir tæpt ár og er hann sagður hafa haldið framhjá henni með nítján mismunandi konum. Hann var einnig sakaður um að hafa haldið framhjá fjórðu eiginkonu sinni, kappaksturskonunni Alexis Dejoria, með „allavega 20 konum.“
Jesse tjáði sig um málið á Instagram í gær. „Vá… Einkalífið mitt er ansi áhugavert. Dæmdur sísvona en engin sönnunargön, engin óviðeigandi skilaboð, engin önnur kona að stíga fram?? Hvað er í gangi??“
