Trent Alexander-Arnold varnarmanni Liverpool líður eins og dæmdum manni þegar hann spilar fótbolta. Hann segir það klisju að halda því fram að hann kunni ekki að verjast.

Trent er í HM hópi Englands en er í aukahlutverki, líklega voru það aðeins meiðsli Reece James sem komu þessum öfluga varnarmanni inn í hópi.

„Það er svo auðvelt að segja þetta bara,“ segir Trent um málið og þá skoðun sem margir hafa um að hann sé lélegur varnarmaður.

„Fólk horfir á leiki og sér það sem það vill sjá, það hefur þessa skoðun áður en leikurinn byrjar. Ef þú ferð að horfa á leik og hefur ákveðna skoðun á leikmanni áður en allt byrjar. Ef þú hleypur ekki einu sinni þá ertu latur, þú sérð það sem þú vilt sjá. Þú horfir ekki á þegar leikmaðurinn er á fullu allan leikinn.“

Það fer í taugarnar á Trent hvernig fólk lætur. „Mér líður eins og ég sé dæmdur fyrir fram, fólk fer og horfir á leiki og telur mig lélegan varnarmann. Að ég geti ekki varist almennilega, þegar ég geri ein mistök þá segir fólk að það hafi rétt fyrir sér.“

„Á köflum líður mér eins og það skipti engu máli hvað ég geri, ef á á ekki hinn fullkomna leik þá er það ekki nóg fyrir fólk. Ég verð bara að halda áfram.“