„Stjarna HM so far,“ skrifar rithöfundurinn Hallgrímur Helgason í færslu á Facebook í gærkvöldi og birtir mynd af Arnar Gunnlaugssyni sérfræðingi RÚV á Heimsmeistaramótinu í Katar.
Arnar sem er þjálfari bikarmeistara Víkings hefur fengið mikið lof fyrir frammistöðu sín á RÚV undanfarna daga og vikur.
„Hann er frábær. Og svipbrigðin hans svo skemmtileg,“ skrifar hinn þekkti sjónvarpsmaður, Egill Helgason og Hallgrímur bætir þá við. „Hollywood gæði,“ segir Hallgrímur.
Margir taka undir þessa færslu Hallgríms á Facebook. „Sammála. Veit býsna margt og hefur áralanga reynslu. Svo er Hörður Magnússon. Dálítið af gamla skólanum en fínn samt,“ skrifar Gestur Valgarðsson.
Hjálmar Hjálmarsson, pabbi Sölku Sólar bendir þó á þetta. „Án vafa fallegasti maðurinn í settinu. Og til fyrirmyndar fótboltalega. En islenskan er ekki til fyrirmyndar og ekki boðleg á RÚV. Gæti gengið á Stöð 2 eða Hringbraut. Málfarsráðunauturinn tekur hann líklega úr liðinu fyrir 16 liða úrslitin,“ segir Hjálmar.
Flestir eru sammála Hallgrími í færslunni nema Ólafur Örn Steinunnar Ólafsson, sem er harður á því að Helga Margrét Höskuldsdóttir, íþróttafréttakona á RÚV sé stjarna mótsins.
