fbpx
Mánudagur 06.janúar 2025
Fréttir

Dró Samfylkinguna í Reykjavík fyrir dóm vegna vangoldinnar húsaleigu

Ritstjórn DV
Miðvikudaginn 30. nóvember 2022 19:39

Héraðsdómur Reykjavíkur

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjavíkur hefur úrskurðað að fulltrúaráð Samfylkingarinnar í Reykjavík verði að greiða leigufélaginu Sjónver andvirði 600 þúsund króna í vangoldna húsaleigu. Leigufélagið hafði farið fram á að stjórnmálaflokkurinn myndi greiða 3,6 milljónir en ekki var fallist á þá kröfu.

Sögðu samningnum upp eftir rúma viku

Forsaga málsins er sú að fulltrúaráðið tók atvinnuhúsnæði við Skipholt 19 að leigu og var ætlunin að reka þar kosningaskrifstofu fyrir alþingiskosningarnar í fyrra. Leigutímabilið var frá 31.mars 2021 til 1. október 2021 og var leiguverðið 600 þúsund krónur á mánuði auk þess sem samið var um að trygging uppá 1,2 milljónir yrði lögð fram.

Forsvarsmenn stjórnmálaflokksins greiddu þó aldrei trygginguna né húsaleiguna á réttum tíma og sögðu upp leigunni nokkrum dögum eftir að hafa tekið við húsnæðinu eða þann 8. apríl 2021.

Ástæðan var að eldhús húsnæðisins reyndist vera ófullnægjandi en þeir sem skoðuðu húsnæðið fyrir hönd fulltrúaráðsins sögðu að rafmagnslaust hafi verið þegar skoðunin fór fram og eldhúsið hafi verið skoðað í miklu myrkri. Forsenda fyrir leigunni hafi verið sú að geta borið fram veitingar en ástand eldhússins reyndist vera á þá leið að það væri ekki mögulegt og því var leigunni rift.

Forsendur brotnar

Í rökstuðningi fyrir þeirri ákvörðun kom eftirfarandi meðal annars fram:

„Eftir að við fengum rafvirkja með okkur og við nánari skoðun á ástandi tækja var ljóst að eldhúsið er ónothæft í því ástandi sem það er og alls óvíst hvort hægt er að
koma því í gagnið nema með því að endurnýja megnið af tækjum og innanstokksmunum. Það vantar til dæmis eldavél sem er eitt aðalverkfæri eldhúss og óvíst er með ástand ofnanna. Ef við hefðum séð þetta í fyrstu skoðun hefðum við ekki óskað eftir að leigja staðinn. Þar með eru forsendur á leigu húsnæðisins brostnar.“

Í kjölfarið var deilt uppgjör leigusamningsins en leigufélagið taldi sig hafa orðið fyrir verulegu tjóni enda heimsfaraldur kórónuveirunnar í gangi og því hægara sagt en gert að finna leigutaka í grænum hvelli. Samfylkingin bauðst til að greiða sáttagreiðslu uppá 600 þúsund krónur, mánaðarleigu, en leigufélagið setti heildar leiguupphæðina, 3,6 milljónir króna, í innheimtu og höfðaði síðan mál í febrúar á þessu ár.

Voru í góðri trú

Niðurstaða héraðsdóms var í stuttu máli sú að leiguseljandinn hafði vanefnt skyldur sínar með því að bjóða upp á ónothæft eldhús þrátt fyrir fullyrðingar um annað. Forsvarsmenn Samfylkingarinnar hafi verið í góðri trú enda hafi verið veitingarekstur í rýminu og því höfðu þau enga ástæðu til að ætla annað en eldhúsið væri í lagi.

Að endingu var niðurstaða dómstólsins sú að hæfilegt væri að stjórnmálaflokkurinn myndi greiða eins mánaðarleigu, 600 þúsund krónur, auk dráttarvaxta og verðtryggingar. Málskostnaðurinn var hins vegar felldur niður.

Hér má lesa dóm Héraðsdóms Reykjavíkur

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Landlæknir Bandaríkjanna vill vara við krabbameinshættu sem fylgir áfengisneyslu – Áfengisiðnaðurinn nötrar

Landlæknir Bandaríkjanna vill vara við krabbameinshættu sem fylgir áfengisneyslu – Áfengisiðnaðurinn nötrar
Fréttir
Í gær

Ákvað að fara ekki í bæinn á gamlárskvöld heldur vera heima og ná myndbandi af ótrúlegu samspili

Ákvað að fara ekki í bæinn á gamlárskvöld heldur vera heima og ná myndbandi af ótrúlegu samspili
Fréttir
Í gær

Tónlistarmaðurinn Árni Grétar „Futuregrapher“ Jóhannesson er látinn

Tónlistarmaðurinn Árni Grétar „Futuregrapher“ Jóhannesson er látinn
Fréttir
Fyrir 2 dögum

Armando biður um hjálp – Hefur þú séð þennan bíl?

Armando biður um hjálp – Hefur þú séð þennan bíl?
Fréttir
Fyrir 2 dögum

Vilhjálmur með ákall eftir umdeildar hækkanir: „Getum við ekki öll verið nokkuð sammála þessu?“

Vilhjálmur með ákall eftir umdeildar hækkanir: „Getum við ekki öll verið nokkuð sammála þessu?“
Fréttir
Fyrir 2 dögum

Ungur Blönduósingur varð fyrir hrottalegri hópárás í Liverpool

Ungur Blönduósingur varð fyrir hrottalegri hópárás í Liverpool
Fréttir
Fyrir 2 dögum

Guðmundur vill banna þetta á íþróttaviðburðum – „Sendir röng skilaboð til barna og ungmenna“

Guðmundur vill banna þetta á íþróttaviðburðum – „Sendir röng skilaboð til barna og ungmenna“
Fréttir
Fyrir 2 dögum

Nýr þingmaður Flokks fólksins lætur Þórarin Inga heyra það: „Stundum er gott að hafa vit á því að þegja“

Nýr þingmaður Flokks fólksins lætur Þórarin Inga heyra það: „Stundum er gott að hafa vit á því að þegja“