Rúmgott og fallegt einbýlishús á tveimur hæðum á frábærum stað í Hafnarfirði er til sölu. Með húsinu fylgir bílskúr og glæsilegur sólpallur með heitum potti og garðskúr.

Húsið er norskt einingahús byggt árið 1998 og er skráð 173,5 fermetrar, þar af er bílskúrinn 32,9 fermetrar.

Eignin er í hjarta Hafnarfjarðar við enda botnlanga við Fálkahraun og miðbærinn í göngufæri.

Hverfið er byggt á Einarsreit í Hafnarfirði í mjög hlýlegum og samræmdum stíl, með skandinavísku yfirbragði. Einkar rólegt og vistvænt umhverfi.

Ásett verð er 121,9 milljónir.

Hægt er að lesa nánar um eignina og skoða fleiri myndir á fasteignavef DV.