Samkvæmt frétt The Times þá er það langt komið að Lionel Messi gangi í raðir Inter Miami næsta sumar þegar samningur hans við PSG er á enda.

David Beckham er eigandi Inter Miami og tengsl hans við Katar eru sögð hjálpa til við að ganga frá hlutunum.

Beckham er talsmaður og sendiherra fyrir Katar en Nasser Al-Khelaifi er eigandi PSG og er frá Katar. Ku það hjálpa samkvæmt Times.

Messi er 35 ára gamall en samningur hans við PSG er á enda næsta sumar og virðist hann ætla að taka skrefið í MLS deildinni.

Messi á fasteign í Miami og eyðir miklum tíma þar en borgin er öll sú glæsilegasta og hentar ríkum og frægum ansi vel.

Í fréttum segir eining að til skoðunnar sé að bestu vinir Messi, þeir Cesc Fabregas og Luis Suarez gangi í raðir Miami með honum. Suarez er án félag en Fabregas leikur með Como í næst efstu deild á Ítalíu.

Messi, Fabregas og Suarez fara iðulega á hverju sumri í langt sumarfrí þar sem konur og börn koma með og njóta lífsins.