David de Gea markvörður Manchester United er ekki að undirbúa sig fyrir Heimsmeistaramótið í Katar eins og hann hafði vonast til.

Eftir að hafa verið í landsliði Spánar um langt skeið ákvað Luis Enrique að hætta að velja hann.

De Gea virðist ákvörðun Enrique en vonast eftir því að fá kallið fyrr en síðar. De Gea er aðeins 32 ára sem er ekki mikill aldur fyrir markvörð.

Það kom því De Gea í opna skjöldi þegar Luis Rubiales, forseti spænska knattspyrnusambandsins sendi honum SMS skilaboð á dögunum.

Spænskir miðlar segja frá en þar kemur fram að Rubiales hafi þakkað De Gea fyrir starf sitt og óskað honum góðs gengis eftir að hafa ákveðið að hætta í landsliðinu.

De Gea hafði svo sannarlega ekki ákveðið að hætta í landsliðinu og var ekki glaður með SMS skilaboðin samkvæmt spænskum miðlum.