Manchester United hefur blandað sér í kapphlaupið um hinn efnilega Yousouffa Moukoko. Bild segir frá.
Moukoko er aðeins sautján ára gamall en þykir gríðarlegt efni. Hann er á mála hjá þýska stórliðinu Borussia Dortmund.
Þrátt fyrir ungan aldur er hann farinn að spila reglulega með aðalliði Dortmund.
Moukoko hefur til að mynda verið orðaður við Liverpool og Manchester City.
Moukoko, sem spilar fyrir U-21 árs landslið Þýskalands, gekk í raðir Dortmund aðeins tólf ára og kom inn í akademíu félagsins. Hann var kallaður upp í aðalliðið áður en hann varð sextán ára gamall.
Samningur sóknarmannsins rennur hins vegar út næsta sumar. Dortmund þarf að flýta sér að semja við hann næsta sumar, ætli félagið sér ekki að missa hann frítt til einhverra af ofangreindum félögum.
Moukoko er hluti af HM-hópi Þýskalands. Mótið hefst eftir tíu daga. Hann gæti spilað sinn fyrsta A-landsleik á mótinu.
