Graber var myrt þann 2. nóvember 2021 að sögn New York Post. Eru Miller og Graber sögð hafa hist hist í skólanum, sem er í Fairfield, til að ræða einkunnir Miller sama dag og Graber var myrt.
Síðar þennan dag ók Graber að garði þar sem hún var vön að fá sér gönguferð að vinnu lokinni. Daginn eftir fannst lík hennar falið í garðinum.
Í dómsskjölum kemur fram að svo virðist sem lélegar einkunnir þeirra félaga hafi verið tilefni morðsins. Telur lögreglan að þeir hafi barið Graber til bana með hafnaboltakylfu.
Miller neitaði í upphafi að vita nokkuð um málið en viðurkenndi síðar að hafa vitað hvar gerðist en hafi ekki tekið þátt sjálfur. Hann sagði að „hópur grímuklæddra ungmenna“ hafi drepið Graber og neytt hann til flytja líkið á brott.
En framburður vitna er á annan veg. Þau segja að tveir ungir menn hafi ekið í bíl Graber frá garðinum, tæpri klukkustund eftir að hún kom þangað. Bílnum var síðan lagt við enda fáfarins sveitavegs. Vitni sáu síðan tvo unglingspilta koma gangandi eftir götunni og tók ökumaður einn þá upp í.
En það var þörfin fyrir að monta sig sem kom upp um félagana því Goodale montaði sig af morðinu við vin sinn í samtali á Snapchat. Þar nefndi hann bæði sjálfan sig og Miller sem morðingjana.
Piltarnir eru 17 ára og verður réttað yfir þeim sem fullorðnum mönnum.
