Eden Hazard á enga framtíð hjá Real Madrid. Félagið hefur gert honum þetta ljóst. Marca segir frá.
Belginn gekk í raðir spænska stórveldisins frá Chelsea árið 2019. Kostaði hann hundrað milljónir punda.
Hinn 31 árs gamli Hazard hefur þó engan veginn staðið undir væntingum og er félagið til í að losa sig við hann.
Samningur Hazard rennur ekki út fyrr en eftir næstu leiktíð. Hann hefur ekki áhuga á að fara þrátt fyrir stöðuna.
Real Madrid hefur þó engan áhuga á að nota hann og veit leikmaðurinn af því.
Þó kemur fram í spænska miðlinum að Real Madrid muni ekki neyða Hazard í að fara. Honum sé þó ljóst að hann muni ekki fá að spila.
