Það væri vitleysa frá stjórn Liverpool að reka Jurgen Klopp eftir erfitt gengi Liverpool á tímabilinu til þessa.

Þetta segir goðsögn liðsins, John Barnes, sem hefur tröllatrú á Klopp og telur að enginn geti gert betur í sömu stöðu.

Liverpool hefur alls ekki verið sannfærandi á leiktíðinni til þessa og er 15 stigum frá toppliði Arsenal eftir 12 leiki.

Talað hefur verið um að Klopp sé að kveðja Liverpool eftir byrjunina en Barnes telur að það væru stór mistök ef félagið tekur þá ákvörðun.

,,Klopp er besti maðurinn fyrir starfið. Hann er sá besti fyrir besta félagslið heims,“ sagði Barnes.

,,Þeir munu ekki finna betri stjóra en hann til að taka við. Það er ekki hægt að dæma þetta út frá því sem gerðist í síðustu fimm eða sex leikjum tímabilsins.“