Stefán Árni Pálsson íþróttafréttamaður á Stöð2 Sport og blaðamaður á Vísi var gestur í íþróttavikunni hjá Benna Bó á Hringbraut á föstudagskvöld. Með honum var Hörður Snævar Jónsson fréttastjóri íþrótta hjá miðlum Torgs.

Brynjar Ingi Bjarnason varnarmaður Vålerenga og íslenska landsliðið var til umræðu eftir fréttir vikunnar.

Brynjar hefur staðfest að hann sé ekki á heimleið eins og orðrómur er um. „Hann var ekki að glíma við andlega erfiðleika eftir COVID,“ sagði Hörður.

„Við sáum í fyrra hvað hann getur verið góður, þetta er hluti af því að vera ungur leikmaður. Þetta er ekki bara upp á við,“ sagði H0örður

Stefán Árni Pálsson ræddi málið. „Þegar menn eru að gagnrýna íþróttamenn, þá veit maður ekki alltaf hvað er í gangi hjá íþróttamanninum. Maður er hræddari við að hringja í mann sem er með allt í skrúfunni,“ sagði Stefán.

„Það geta verið persónuleg vandamál, fráfall í fjölskyldunni. Hausinn er ekkert eðlilega mikilvægur.“

Umræða um þetta er hér að neðan.