Nú hefur franska tískuhúsið Christian Dior Couture lagt fram stefnu til að hnekkja vörumerkinu og heldur því fram að Gigi Dior hafi skaðleg áhrif á fyrirtækið.
„Þetta er fáránlegt. Nafnið mitt hefur ekkert með hátísku að gera og það fyndna við þetta er að það sem ég geri snýst yfirleitt um að vera í engum fötum,“ segir Gigi í samtali við Page Six um málið.
Gigi, 40 ára, sótti um að skrásetja Gigi Dior sem vörumerki í fyrra og var það samþykkt í september 2022.
Hún notar nafnið á vefsíðunni sinni, OnlyFans og öllum samfélagsmiðlum.
Gigi hefur verið í klámbransanum í tvö ár, hún starfaði áður sem leikkona og fyrirsæta. Hún er einstæð móðir og á fjögur börn, 12 ára og yngri.
Hún hefur leikið í nokkrum klámmyndum en einnig getið sér gott orð sem „vefmyndarstúlka“ (e. webcam girl). Hún var tilnefnd sem „Milf-ársins“ á verðlaunahátíðinni Cam Awards.
„Ég get ekki tapað nafninu, ég hef byggt vörumerki út frá þessu nafni, þetta nafn er ég og orðspor mitt. Þannig það er hræðilegt að hugsa til þess að ég þurfi að byrja upp á nýtt,“ segir hún.
„Ég er miður mín og þetta er fáránlegt.“
