Launalisti FCK í Danmörku fyrir þetta árið hefur verið í umræðunni og þar má finna hvað Íslendingarnir þar á bæ þéna miðað við sögurnar. Salarysport.com segir frá.
Ísak Bergmann Jóhannesson er lang launahæstur af þeim þremur sem eru í aðalliði FCK miðað við listann. Samkvæmt því er Ísak með milljón í laun á viku eða 52 milljónir í árslaun.
Hákon Arnar Haraldsson skoraði í Meistaradeildinni í gær gegn Dortmund en líkt og Ísak er hann 19 ára gamall. Miðað við frammistöðu þá er Hákon ekki á sérstökum launum og þénar aðeins 200 þúsund krónur íslenskar á viku. Líklegt er að þessi tala hækki hressilega.
Árslaun Hákon eru því sögð vera rétt um 10 milljónir króna. Orri Steinn Óskarsson hefur verið að spila með aðalliðinu undanfarið og er hann sagður þéna 6,9 milljónir í árslaun en hann er 17 ára gamall.
Ásgeir Galdur Guðmundsson var keyptur til FCK frá frá Breiðablik í sumar og þénar ögn minna en Orri miðað við listann.
Þetta eru sögð föst laun þeirra félaga en gera má ráð fyrir því að verulegir bónusar fáist fyrir spilaða leiki.
Andreas Cornelius er sagður launahæsti leikmaður FCK með 260 milljónir í árslaun.
Nafn – Vikulaun – Árslaun
Ísak Bergmann Jóhannesson £6,000 £312,000
Hákon Arnar Haraldsson £1,200 £62,400
Orri Steinn Óskarsson £800 £41,600
Ásgeir Galdur Guðmundsson £770 £40,040
