Kevin de Bruyne, leikmaður Manchester City, viðurkennir að hann gæti verið að spila á sínu síðasta heimsmeistaramóti síðar í mánuðinum.

De Bruyne er 31 árs gamall og er landsliðmaður Belgíu en hann verður 35 ára gamall er næsta mót fer fram.

Belgía hefur enn ekki unnið titil með frábæran leikmannahóp undanfarin ár og er vonin að það verði raunin á HM 2022 í Katar.

De Bruyne veit ekki hvort hann gefi kost á sér fyrir HM 2026 en hann hefur til þessa spilað á tveimur mótum.

,,Fjölskyldan mun ferðast til Katar fyrir riðlakeppnina. Ég er augljóslega 31 árs gamall og veit ekki hvað gerist eftir fjögur ár. Þetta er í fyrsta sinn sem krakkarnir mínir mæta á HM,“ sagði De Bruyne.

,,Þeta verður sérstök stund og ég vil ekki að þau missi af þessu. Þau eru sex, fjögurra og tveggja ára. Þau elstu fylgjast aðeins með fótbolta en dóttir mín ekki svo mikið.“