Cristiano Ronaldo verður í leikmannahópi Manchester United er liðið tekur á móti Sheriff í Evrópudeildinni á morgun. Erik ten Hag, stjóri liðsins staðfestir það.
Ronaldo snéri aftur til æfinga í gær. Ronaldo strunsaði á þá út af Old Trafford áður en leik lauk í 2-0 sigri Manchester United á Tottenham. Portúgalinn var ónotaður varamaður í leiknum. Þó bárust fregnir af því síðar að hann hafi neitað að koma inn á sem varamaður í leiknum.
Hann var settur út úr hóp vegna þess og fékk hvorki að æfa né vera með gegn Chelsea um helgina.
„Cristiano verður í hóp á morgun, Raphael Varane verður ekki og verður frá fram að HM í Katar,“ sagði Ten Hag en varnarmaðurinn meiddist gegn Chelsea um helgina.
„Það er ekkert erfitt fyrir mig að taka Ronaldo inn aftur, við svöruðum þessum spurningum. Hann var ekki með í einn leik og kemur svo aftur inn.“
