fbpx
Föstudagur 04.apríl 2025
Fréttir

Rússneskur sérfræðingur hélt að það væri slökkt á hljóðnemanum – Talaði illilega af sér

Kristján Kristjánsson
Föstudaginn 21. október 2022 06:54

Íranskur dróni á kaupstefnu í Kubinka í Rússlandi í ágúst. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Nota Rússar sjálfsmorðsdróna frá Íran? Þessu halda Úkraínumenn fram sem og Vesturlönd en Rússar og Íranir þvertaka fyrir þetta. Rússneskur hernaðarsérfræðingur talaði óvart af sér í vikunni þegar hann var í sjónvarpssal og hélt að slökkt væri á hljóðnemanum. Spurningin er hvort hann hafi ekki einmitt staðfest notkun íranskra dróna í Úkraínu með ummælum sínum?

„Ekki spyrja of mikið út í írönsku drónana. Við vitum öll að þeir eru íranskir en yfirvöld vilja ekki játa það,“ sagði Ruslan Pukhov þegar hann var í sjónvarpssal í vikunni og hélt að slökkt væri á hljóðnemanum.

Þegar hann var spurður út í þetta síðar í þættinum var svar hans öðruvísi: „Ég man ekki eftir að hafa sagt þetta. Þetta var líklega sviðsett á einn eða annan hátt. Kannski var það, kannski ekki. Ég man það ekki, það er langt síðan. Heili minn er ringlaður eftir COVID-19 smit.“

Sjálfsmorðsdrónarnir eru í raun fljúgandi sprengjur sem fljúga á skotmörk. Þeir finna þau sjálfir eða þá eru hnit skotmarksins slegin inn áður en þeir eru sendir af stað. Fagfólk hefur lýst þeim sem blöndu af flugskeyti og ómannaðri flugvél.

Drónar skipta sífellt meira máli í nútímahernaði. Úkraínumenn eiga og nota tyrkneska dróna sem þeir keyptu fyrir stríð. Rússar hafa staðið öðrum þjóðum að baki hvað varðar þróun og smíði dróna en Íranir eru hins vegar framarlega í þessum málum og hafa þróað sína eigin dróna frá grunni eins og Tyrkir.

Að undanförnu hafa Rússar sent fjölda íranskra sjálfsmorðsdróna gegn skotmörkum í Úkraínu og hafa þeir valdið mikilli eyðileggingu en margir hafa einnig verið skotnir niður á leið sinni að skotmörkum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 14 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú