Það andar heldur betur köldu á milli Francesco Totti goðsagnar í ítölskum fótbolta og Ilary Blasi fyrrum eiginkonu hans.

Parið skildi í júlí eftir langt og farsælt hjónaband en skilnaðurinn er erfiður og gengur mikið á. Þannig ákvað Ilary að stela nokkrum Rolex úrum sem Totti átti.

Hann svaraði þá með króki á móti bragði og stal öllum dýru töskunum sem Ilary átti. Totti er til í að skila töskunum ef hann fær úrin sín til baka.

Totti komst að því að Ilary væri að sofa hjá nokkrum mönnum og sótti um skilnað vegna framhjáhalds. Deilur standa þeirra á milli en Ilary fór fram á um 6 milljónir í bætur á mánuði frá Totti. Dómari hafnaði því.

„Hvað átti ég að gera? Ég faldi töskurnar í von um skipti,“ segir Totti um stöðu mála.

Ilary hefur óskað því við dómara að töskunum veðri skilað. Hún hefur svo verið að setja inn myndir af sér með Rolex úr til að pirra Totti.

Totti og Ilary byrjuðu saman árið 2002 og giftu sig þremur árum síðar. Þau eiga saman þrjú börn sem eru 17 ára, 15 ára og sex ára.

„Það er ekki rétt að ég hafi haldið framhjá, ég hef lesið mikið af vitleysu sem særir börnin mín,“ segir Totti.

„Í september í fyrra fór ég að fá til mín sögur um að Ilary væri með öðrum manni, í raun að þeir væru fleiri en einn. Ég hef aldið haldið framhjá á þessum tuttugu árum. Þegar ég fékk þessi skilaboð frá fólki sem ég treysti þá fór mig að gruna.“

„Ég skoðaði símann hennar og þar var maður sem hún talaði við, þetta var þriðji aðili sem sá um að koma skilaboðum frá Ilary til annars manns. Þarna var sönnun á framhjáhaldi og ég varð þunglyndur.“