Í þættinum Matur og Heimili á Hringbraut í kvöld heimsækir Sjöfn Þórðar líka veitingastaðinn Brút sem er hinu fræga Eimskipshúsi á einstaklega fallegum stað í hjarta miðborgarinnar.

Veitingastaðurinn Brút opnaði síðastliðið haust eins og áður sagði í hinu sögufræga Eimskipshúsi við Pósthússtræti 2 og hefur hlotið verðskuldaða athygli fyrir sérstöðu sína í matargerðinni. Á bak við veitingastaðinn standa þeir félagar Ólafur Örn Ólafsson vínþjónn, Bragi Skaftason og Ragnar Eiríksson kokkur.

Sjöfn hittir Ólaf og fær frekari innsýn um tilurð og útlit staðarins, áherslur í matargerðinni og vínmenninguna sem þar er. „Ég var búinn að sitja yfir þessu og ofhugsa þetta í um það bil tvö ár áður enn við opnuðum, það má segja að staðurinn sé svolítið hugarfóstur mitt,“ segir Ólafur um staðinn.

Þegar kemur að matargerðinni vildu þeir vera svolítið óhefðbundnir og bjóða upp á meira úrval af sjávarfangi. „Sérstaða staðarins eru ferskir fiskréttir úr óhefðbundnum hráefni og mikið er lagt upp úr góðum vínseðli þar sem hægt er að para drykki með mat,“ segir Ólafur og bætir við að ýmis konar sjávarfang fái að njóta sín á seðlinum og því sé gert hátt undir höfði. Ragnar stýrir eldhúsi staðarins en hann var yfirkokkur á veitingahúsinu Dill þegar það hlaut Michelin stjörnu og leikur listir sínar í eldhúsinu. „Við erum líka óhefðbundinn bröns hlaðborð, fisk og svolítið heilsusamlega nálgun, það er ekki allt löðrandi í beikoni,“ segir Ólafur og brosir.

Vert er að geta þess að hönnun og útlit á Brút hefur vakið mikla athygli og er breska arkitekta- og hönnunarstofan T.B. Bennet meðal annars tilnefnt til hönnunarverðlauna fyrir hönnun og útlit á Brút. Rýmið hefur verið fagurlega endurhannað af bresku innanhúshönnuðum í útfærslu Traðar arkitektastofu. Tignarlegir gluggarnir fá að njóta sín og lofthæðin gerir rýmið einstaklega fallegt.

Einnig er gaman að segja frá því að Brút ásamt Dill eru tilnefndir til Star Wine List verðlaunanna í ár fyrir framúrskarandi vínseðla sem er mikil viðurkenning. En verðlaunin verða afhent við hátíðlega athöfn í Kaupmannahöfn nú í október.

Meira um veitingastaðina Ráðagerði og Brút í þætti kvöldsins Matur og heimili á Hringbraut klukkan 19.00 og aftur klukkan 21.00.

Brot úr þætti kvöldsins má sjá hér: