Luis Campos, yfirmaður íþróttamála hjá Paris Saint-Germain, vill yfirgefa félagið.
Það virðist allt í rugli á bakvið tjöldin hjá PSG þessa stundina. Kylian Mbappe, stjörnuleikmaður liðsins, er sagður vilja fara.
Hinn 23 ára gamli Mbappe skrifaði undir nýjan samning við PSG í byrjun síðasta sumars. Samningur hans var að renna út og hafði hann verið sterklega oraður við Real Madrid.
PSG fékk Mbappe til að skrifa undir samning til ársins 2024. Hann samdi um himinnhá laun, sem og aukin völd innan félagsins.
Nú hangir sambandið hins vegar á bláþræði og vill leikmaðurinn komast í burtu strax í janúar. Það er meðal annars talað um að hann telji félagið hafa svikið loforð sem það gaf honum við undirskrift í sumar.
Campos finnst hann einnig hafa verið svikinn. Hann tók aðeins við starfinu hjá félaginu í sumar en vill nú komast burt, líkt og Mbappe.
