Erling Braut Haaland þénar svakalega á hverri viku hjá Manchester City.
Norski framherjinn hefur verið stórkostlegur fyrir City það sem af er. Hann kom frá Dortmund í sumar.
City virkjaði klásúlu í samning leikmannsins við Dortmund í sumar og keypti hann á aðeins 51 milljón punda.
Föst laun Haaland eru talin á pari við hæst launuðu leikmenn liðsins. Má því gera ráð fyrir því að þau séu á bilinu 350 til 400 þúsund pund á viku.
Hins vegar vill Daily Mail meina að Haaland þéni allt að 900 þúsund pund á viku þegar bónusgreiðslur eru teknar inn í myndina.
Bónusgreiðslurnar eru sagðar nokkuð auðfengnar fyrir Haaland miðað við samning hans.
Hinn 22 ára gamli Haaland skrifaði undir við City til ársins 2027. Það er nú þegar farið að ræða næstu skref á ferli hans. Real Madrid er sagt fylgjast grannt með gangi mála og vill kaupa leikmanninn sumarið 2024.
