TW: Greinin fjallar um kynferðisofbeldi og inniheldur lýsingu á nauðgun.
Leikkonan Constance Wu sagði frá kynferðisofbeldi sem hún varð fyrir þegar hún var 22 ára í nýjasta þætti Red Table Talk.
Hún sagði að það hafi tekið hana mörg ár að átta sig á því, að henni hafi verið nauðgað. „Ég skilgreindi þetta ekki sem nauðgun því við erum svo vön að líta svo á að nauðgun sé ofbeldisfull. En fyrir mig var þetta þögul upplifun,“ sagði hún.
„Ég var á öðru stefnumótinu með karlmanni og hann bauð mér inn til sín. Við kysstumst, keluðum aðeins, ég leyfði honum að snerta mig og afklæða mig. Og síðan, þegar hann teygði sig í smokkinn á náttborðinu – skýrt merki um að kynlíf væri í vændum, er það ekki? – Þá sagði ég skýrt við hann: „Fyrirgefðu, en ég er ekki tilbúin að stunda kynlíf.“ Því maður segir alltaf fyrirgefðu. Og hann hlustaði ekki á mig, hann hélt áfram að setja smokkinn á sig. Svo ég sagði: „Nei, í alvöru. Ég er ekki tilbúin að stunda kynlíf.“ Ég var mjög skýr. En hann rökræddi ekki við mig, hann var svo blíður. Hann kyssti mig á ennið, hann var að vera svo ástríkur og blíður. Og svo gerði hann það bara samt,“ sagði hún.
„Ég barðist ekki á móti því hann var tvöfalt stærri en ég. Það var eiginlega eins og ég þurfti að gefast upp til að vernda mig sjálfa. Ég var á hans svæði, heima hjá honum. Og ég var alveg: „Oj, þetta hefur þegar gerst. Þó ég hafi sagt nei.“
Leikkonan segir að það hafi tekið hana mörg ár að byrja að hugsa um þetta sem nauðgun.
„Ég skilgreindi þetta ekki sem nauðgun því við erum svo vön að líta svo á að nauðgun sé ofbeldisfull. En fyrir mig var þetta þögul upplifun. Þó svo að orð mín voru skýr, hann að hafa samfarir við mig var hljóðlátt,“ segir hún.
Willow, söngkona og einn af þáttastjórnendunum, sagði: „Ég held að við lítum á að nauðgun sé eitthvað ofbeldisfullt en nauðgun er þegar samþykki er virt að vettugi.“
Constance sagði að það hefði líka haft mikil áhrif á hana að hún hafi fengið fullnægingu á meðan henni var nauðgað. „Ég fékk fullnægingu og ég skammaðist mín mjög mikið að tala um það. Og ég ákvað að það væri mikilvægt að tala um það,“ segir hún.
Leikkonan var að gefa út bókina Making A Scene þar sem má lesa um hennar sögu.
Þáttinn má horfa á í heild sinni hér að neðan.
