Þórhallur Siggeirsson fyrrum þjálfari Þróttar í meistaraflokki karla hefur tekið að sér stað sem aðstoðarþjálfari hjá East Bengal í Indlandi.
Það er bróðir hans, Vilhjálmur Siggeirsson sem segir frá þessu en Vilhjálmur var um árabil tæknistjóri hjá RÚV.
„East Bengal er í indversku Super deildinni og þjálfað af reynsluboltanum Stephen Constantine sem hefur ekki nema þjálfað landslið Nepal, Malaví, Súdan, Rúanda og tvisvar sinnum Indland. Fyrir utan að vera með eitrað look,“ skrifar Vilhjálmur um félagið sem Þórhallur starfar nú hjá.
Þórhallur starfaði lengi i yngri flokkum hér á landi og kom meðal annars við hjá Stjörnunni og HK.
„Robbie Fowler skilaði liðinu í 9. sæti 20/21. Á botninum í fyrra en nú horfir til betri vegar! Fyrsti leikur tímabilsins er á föstudaginn á útivelli gegn Kerala Blasters,“ segir Vilhjálmur
Þórhallur starfaði síðast hjá Sarpsborg í Noregi en tekur nú skrefið í deildina þar sem Hermann Hreiðarsson var eitt sinn aðstoðarþjálfari Kerala Blasters.
Stórir hlutir að gerast! Eftir hálft ár hjá Sarpsborg í Noregi er Þórhallur bróðir mættur til Indlands sem aðstoðarþjálfari East Bengal! pic.twitter.com/xMt8yobizn
— Vilhjálmur (@Siggeirsson) October 5, 2022
