Mirror segir að Athos hafi verið kallaður „Nostradamus nútímans. Hann er 36 ára og hefur að sögn spáð rétt fyrir um margt.
Í samtali við the Daily Star vísaði hann því á bug að hann sé svikahrappur og segist ekki vera seiðkarl. „Vísindin eru farin að sanna að hæfileikar mínir eru raunverulegir. Fyrir nokkrum mánuðum fóru ég og spádómar mínir í gegnum tæknigreiningu og ekkert kom fram sem sýndi að ég hefði rangt við,“ sagði hann.
Hann sagðist hafa verið 12 ára þegar hann áttaði sig á að hann var öðruvísi en annað fólk, mun næmari og heyrði, fann og talaði um hluti sem hann hafði enga stjórn á.
„Stundum hafði ég efasemdir um mig sjálfan þegar ég sagði fyrir um hluti sem ólíklegt var að myndu gerast, en þeir rættust síðan skömmu síðar,“ sagði hann.
Hvað varðar spurninguna um hvaðan þessi hæfileiki hans er kominn segir hann ekki í neinum vafa að hann sé frá guði kominn og sígaunauppruna hans sjálfs.
Hann sagði að 2012 hafi hann spáð fyrir um heimsfaraldur sem myndi skella á heimsbyggðinni 2020. 44 dögum áður en Vladímír Pútín, Rússlandsforseti, gaf her sínum fyrirmæli um að ráðast inn í Úkraínu spáði Athos fyrir um það að eigin sögn.
Hann birti færslu á Instagram þar sem hann sagði að leiðtogi myndi fæðast á milli „22, 44 og/eða 66“ og að hann myndi ýta þeim til hliðar sem eru ekki sammála ákvörðunum hans. Hann segir að þessi færsla hafi spáð fyrir um tilraun Elon Musk til að kaupa Twitter. Hann hafi gert kauptilboð 22. apríl upp á 44 milljarða dollara plús einkaflugvél sína sem sé metin á 66 milljónir dollara.
Þann 28. mars 2022 skrifaði hann að banaslys yrði þegar slys yrði meðal áhorfenda þegar áhorfendapallar myndu hrynja. Sú spá hans rættist að sögn í júlí þegar fjórir létust á nautaati í Tolima í Kólumbíu.
Hann segist einnig hafa spáð fyrir um andlát Elísabetar II árið 2022 og að þriðja heimsstyrjöldin hefjist.
