Einn hinna ósáttu er Alexander Ermolaev, 63 ára íbúi í bænum Krasnoslobodsk, sem er nærri Volgograd. Hann er sykursjúkur og með lítið súrefnismagn í blóðinu. Hann var yfirlautinant í varaliði hersins en var kominn á eftirlaun og átti ekki von á öðru en við tækju rólegheit síðustu æviárin. En nú hafa læknar hersins sagt hann færan um að gegna herþjónustu og hann á að fara á vígvöllinn í Úkraínu. Baza skýrir frá þessu.
Hann var kallaður til herþjónustu klukkan 06 að morgni 22. september og var færður í læknisskoðun og síðan beint í þjálfunarbúðir þar sem tveggja vikna þjálfun hófst strax.
Rússneskir fjölmiðlar, sem lúta stjórn yfirvalda og teljast ekki frjálsir og óháðir, hafa verið iðnir við að flytja fréttir af löngum röðum við skráningarstofur hersins þar sem ungir karlmenn, föðurlandsvinir, sem eru sagðir reiðubúnir til að deyja fyrir ættjörðina, bíði spenntir eftir að geta skráð sig til herþjónustu. En miðað við það sem fram kemur á samfélagsmiðlum þá er staðan önnur.
Í Juzhno-Kurilsk, sem er rétt norðan við Japan, virðast menn bregðast við herkvaðningu með því að drekka sig fulla og slást. „Það eru nú þegar fregnir um slagsmál hermanna. Þeir virðast einnig dauðadrukknir,“ skrifar Kyle Glen, sem starfar við að staðfesta áreiðanleika innihalds á samfélagsmiðlum, á Twitter.
Fights between mobilised soldiers are already being reported, they also seem to be absolutely hammered. Morale is very high, brothers. pic.twitter.com/M6JlxzdAdC
— Kyle Glen (@KyleJGlen) September 23, 2022
Nexta, sem er miðill sem er þekktur fyrir að vera gagnrýninn í garð rússneskra stjórnvalda, birti myndband þar sem ekki er annað að sjá en dauðadrukknir hermenn gangi að flugvél. „Hinir hugrökku verjendur Rússlands“ ákváðu að drekka sig fulla áður en þeir lögðu af stað,“ segir Nexta.
The "Brave Defenders of Russia" decided to get drunk before leaving
"This is our army," the author of the video comments.
The patriarch Kirill blessed. pic.twitter.com/214uKuYRFn
— NEXTA (@nexta_tv) September 23, 2022
Hvítrússneski blaðamaðurinn Tadeusz Giczan birti myndband af fullum nýliðum sem virðast ekki átta sig á tilganginum. „Af hverju eigum við að fara? Hvert erum við að fara? Hver í fjandanum veit það,“ hrópar einn þeirra.
Meanwhile, it only took a few hours for another group of mobilised Russians to get dead drunk. "What are we going for? Where are going? F*ck knows!", one concludes. pic.twitter.com/8XUP4UNbFP
— Tadeusz Giczan (@TadeuszGiczan) September 22, 2022
