Patrice Evra, goðsögn Manchester United, sér eftir því að hafa spilað fyrir franska landsliðið á sínum ferli.

Evra spilaði 81 landsleik fyrir Frakkland á ferlinum frá 2004 til 2016 og án þess að skora mark.

Frakkland upplifði marga erfiða tíma er Evra lék með liðinu og var hann oft gagnrýndur fyrir frammistöðu sína sem og aðrar stjörnur liðsins.

Evra fæddist í Dakar í Senegal og ef hann gæti valið í dag þá myndi hann frekar spila fyrir Senegal en Frakkland.

Evra lék allan sinn feril í Frakklandi og ólst þar upp og er þekktastur fyrir tíma sinn hjá Manchester United frá 2006 til 2014.

,,Ef ég gæti farið til baka þá myndi ég velja að spila fyrir mitt heimaland, Senegal, frekar en Frakklandi,“ sagði Evra.

,,Ég var fæddur í Dakar en ólst upp í Frakklandi. Eitt það versta sem ég lærði er að ef þú spilar vel og vinnur þá er þér fagnað sem Frakka en ef þú tapar þá er bent á það að þú sért frá Senegal.“