Tanja Ýr, sem var valin Ungfrú Ísland árið 2013, greinir frá þessu á Instagram. „Ég viðurkenni að þetta var erfið ákvörðun en ég ætla að sleppa tökunum,“ segir hún.
Hún segir að hún mun alltaf vera þakklát fyrir það sem hún lærði við rekstur fyrirtækisins og viðskiptavini þess, en nú sé kominn tími til að einbeita sér að öðrum verkefnum.
„Það hefur alltaf verið markmiðið mitt að gefa út vörur sem eru betri, öðruvísi eða skemmtilegri en þær sem eru á markaði og mér tókst það í ansi mörg ár. Hins vegar er ég komin á allt annan stað í dag og langar að einbeita mér að koma hlaðvarpinu mínu af stað, aðstoða aðra aðila við markaðssetningu eða búa til sitt eigið vörumerki – og svo að sjálfsögðu Glamista Hair. Hlakka til að fókusera á aðeins færri hluti og gera þá enn betur,“ segir hún.
View this post on Instagram
Athafnakonan stofnaði Tanja Ýr Cosmetics árið 2015, þá aðeins 24 ára gömul, og hannaði eigin gerviaugnhár sem hún seldi á síðunni. Hún nefndi fyrstu augnhárin eftir vinkonum sínum í fegurðarsamkeppninni Ungfrú Heimur.
Hún stofnaði hárvörumerkið Glamista Hair í lok árs 2020 ásamt vinkonu sinni, Kolbrúnu Elmu Ragnarsdóttur. Þær kynntu þær nýja vöru á markaðinn í ágúst síðastliðnum.
View this post on Instagram
