David Moyes, stjóri West Ham, var brjálaður í gær eftir 2-1 tap gegn Chelsea í ensku úrvalsdeildinni.

West Ham var talið hafa jafnað metin á lokamínútum leiksins áður en Andy Madley, dómari, var sendur í VAR skjáinn.

Hann ákvað að dæma brot á markmann Chelsea, Edouard Mendy, sem lét eins og hann væri sárþjáður skömmu áður.

Moyes er handviss um að það hafi ekkert verið að Mendy og að leikþátturinn hafi að lokum kostað liðið stig.

,,Þið hafið séð þetta, þessi ákvörðun er til skammar, algjörlega rotin frá einn af bestu dómurunum,“ sagði Moyes.

,,Þetta segir ekki góða hluti um þann sem ákvað að senda hann í VAR skjáinn heldur, þetta var ótrúleg ákvörðun sem var tekin gegn okkur.“

,,Okkur leið eins og við höfðum jafnað leikinn í 2-2. Ég styð mikið af því sem VAR gerir en ég tel að markvörðurinn hafi verið með leikþátt, hann er að búa til meiðsli og gerði það sama í fyrsta markinu.“