Manchester United-goðsögnin Ryan Giggs hefur selt 280 milljóna króna glæsihýsi sitt í Manchester.

Hann bjó áður í húsinu ásamt Kate Greville, fyrrum kærustu sinni, sem sakar hann um að hafa beitt hana þvingandi og stjórnandi hegðun í langan tíma.

Málið rataði fyrir rétt í síðasta mánuði. Kviðdómurinn í málinu hefur hins vegar verið leystur undan störfum, þar sem honum mistókst að samræmast um niðurstöðu.

Kviðdómurinn var skipaður ellefu einstaklingum og fundaði hann í næstum sólarhring, í tilraun til að komast að niðurðstöðu. Það tókst hins vegar ekki.

Í húsinu sem Giggs hefur nú selt er hann til að mynda sakaður um að hafa skallað Greville.

Giggs hefur ávalt neitað sök í málinu.

Svo gæti farið að réttað yrði í málinu aftur. Þau réttarhöld færu þá fram í júní á næsta ári.