Adnan Januzaj er genginn í raðir Sevilla og hefur skrifað undir fjögurra ára samning við félagið.
Frá þessu var greint í kvöld en Januzaj kemur til Sevilla á frjálsri sölu eftir dvöl hjá Real Sociedad.
Lengi var talið að Januzaj væri á leið aftur til Englands að gera samning við West Ham.
David Moyes vildi fá Januzaj til félagsins en þeir unnu áður saman hjá Manchester United.
Belginn ákvað hins vegar að halda sig á Spáni og mun leika með Sevilla næstu fjögur tímabil.